ISLEX orðabókin
Stofnun Árna Magnússonar í íslenskum fræðum
Myndir Orð vikunnar

Velkomin á heimasíðu veforðabókarinnar ISLEX

ISLEX er margmála orðabók á vefnum. Íslenska er viðfangsmálið og markmálin eru danska, sænska, norskt bókmál, nýnorska og færeyska. ISLEX er samstarfsverkefni sex norrænna fræðastofnana, á Íslandi, í Danmörku, Noregi, Svíþjóð, Færeyjum og Finnlandi. Þær eru Stofnun Árna Magnússonar í íslenskum fræðum (SÁM) í Reykjavík, Det Danske Sprog- og Litteraturselskab í Kaupmannahöfn, Institutt for lingvistiske, litterære og estetiske studier við Háskólann í Bergen, Institutionen för svenska språket við Háskólann í Gautaborg, Fróðskaparsetur Føroya í Þórshöfn og Háskólinn í Helsinki.

Íslenska ritstjórnin ber ábyrgð á íslenska hluta orðabókarinnar ásamt mótun og þróun gagnagrunnsins, en vinna við markmálin er í umsjón ritstjórna í hverju landi fyrir sig. Allar orðabækurnar eru aðgengilegar og ókeypis á þessari síðu, nema íslensk-finnska orðabókin sem verður opnuð síðar.


Löndin sem taka þátt í ISLEX-samstarfinu, lituð græn á kortinu.

Orð vikunnar

Kennsluefni unnið hjá Flensborgarskóla
© Stofnun Árna Magnússonar í íslenskum fræðum, Árnagarði við Suðurgötu, 101 Reykjavík